გურჯაანის მუნიციპალიტეტის სოფელ შაშიანში, ჭაბურღილის მოწყობა დასასრულს უახლოვდება.

ამ ეტაპზე, ჭაბურღილთან ბეტონის ჯებირის მოწყობა მიმდინარეობს, რომელზეც 25 ტონიანი წყლის რეზერვუარი დამონტაჟდება. აღნიშნული ჭაბურღილით 80-მდე ოჯახის წყალმომარაგება გაუმჯობესდება.

წყალმომარაგების სამუშაოები რეგიონებში განსახორციელებელი პროექტების ფონდიდან ადგილობრივი ბიუჯეტის თანამონაწილეობით 126 180 ლარით ფინანსდება, რომელსაც შპს “ჰიდროგეო” ასრულებს.