ა(ა)იპ "გურჯაანის მუნიციპალური სერვისი" სოფლებში სამუშაოებს მუდმივ რეჟიმში ახორციელებს
გურჯაანის მუნიციპალიტეტის მერიის ა(ა)იპ "გურჯაანის მუნიციპალური სერვისი" სოფლებში სამუშაოებს მუდმივ რეჟიმში ახორციელებს.
სპეცტექნიკის და მობილური ჯგუფის წევრების საშუალებით გაიწმინდა, საშემდუღებლო-სარეაბილიტაციო სამუშაოები განხორციელდა სოფ. ვაჩნაძიანში "ჩადუნი"-ს და სოფ. შაშიანში არსებულ წყლის სათავე ნაგებობებზე;
გაწეული მუშაობის შედეგად ექსპლუატაციაში შევიდა მწყობრიდან გამოსული 10 ჭაბურღილი შემდეგ სოფლებში: ვაჩნაძიანი, ახაშენი, გურჯაანი, ვეჯინი, კოლაგი, ბაკურციხე, კარდენახი, მელაანი, არაშენდა და კაჭრეთი;
სოფელ ახაშენში, სოფელ შაშიანში და სოფელ არაშენდაში არსებულ წყლის ჭაბურღილებზე დამონტაჟდა 3 წყლის საქაჩი ტუმბო;
სოფელ ჩუმლაყში და სოფელ კოლაგში მოეწყო და დამონტაჟდა წყლის დაქსელვის გამანაწილებელი სისტემა;
სოფელ კარდენახში დაიქლორა 250 ტონა ტევადობის ბეტონის წყლის რეზერვუარი;
გაწეული მუშაობის შედეგად, დაზიანებული წერტილოვანი მონაკვეთები აღდგენილია შემდეგ სოფლებში: მუკუზანი, ველისციხე, გურჯაანი, კოლაგი, ბაკურციხე, ჩალაუბანი, მელაანი და ზემო კაჭრეთი;
სოფელ ჭანდარში, სოფელ ბაკურციხეში და სოფელ კარდენახში 450 მეტრამდე სიგრძის მონაკვეთზე მოეწყო ახალი წყლის მაგისტრალი;
ქალაქ გურჯაანში, სოფელ ძირკოკში და სოფელ ვეჯინში, სპეცტექნიკის საშუალებით, მოსწორდა და გაიწმინდა სასოფლო-სამეურნეო დანიშნულების მიწის ფართობებთან მისასვლელი გზის მონაკვეთები.