გურჯაანის მუნიციპალიტეტში საკალათბურთო აკადემია იქმნება.

ა(ა)იპ "საკალათბურთო კლუბი გურჯაანის დელტა" 2023 წელს შეიქმნა, რომლის მიზანია ჯანსაღი ცხოვრების წესისა და სპორტული მიმართულების წახალისება და პოპულარიზაცია ახალგაზრდებში.

აკადემიაში 8-12 წლამდე ასაკობრივი გუნდის შესაქმნელად საჯარო სკოლებში მოსწავლეებთან და მშობლებთან შეხვედრები ხვალ, სოფელ გურჯაანიდან დაიწყება. შერჩეული მოსწავლეები საკალათბურთო აკადემიის გუნდში მოხვდებიან.

მნიშვნელოვანია რომ გუნდის შექმნის შემდეგ, გაიმართება საქართველოს უმაღლესი ლიგის - სუპერლიგის თამაშები.

საკალათბურთო აკადემიის შექმნის იდეა პარლამენტის წევრ დავით სონღულაშვილს ეკუთვნის.